Hafahafa ho aho ny tontolon’izy iny
Zakaranda mipoapoaka
Fonfon-tany mando no mba tiany
Rehefa volana Oktobra
Orana mitendry ny fanitso
Izay no hira tiany indrindra
Ilay masoandro mody hamonjy ampitso
Sinemany takariva
Izy tsy nanao kahie de sovenira
Ilay alefa mandehandeha
Tsy nanangona sarina mpihira
Hatao peta-drindrina
Nampatahotra azy ny bal amin’ny alina
Tabataba matimaty jiro
Mampanonofy ratsy, nofinofy adala
Na maraina aza tsy adino
Rojo volafotsy tefin-karana
Tazako eo an-tratrany
Io no nanome ahy hazavana
Fantatro ny anarany
Lasa bitsibitsiko isan’andro
Rehefa izay mba mifanena
Lasa hirahirako atoandro
Nofiko hadiva haraina
Fa nitoetra teo iny fitiavako iny
Tsy mba nisy resa-be
Arahaba iray, tsiky no nidifyDia samy lasa nandeha
Samy mba nanohy ny eritreriny any
Ny azy aloha tsy fantatro
Fa ny ahy niova hira ihany
Asa izay raha tsapany
Hafahafa ho aho ny tontolon’izy iny
Zakaranda mipoapoaka
Fonfon-tany mando lasa tiako
Rehefa volana Oktobra
6 commentaires:
trop belle cette chanson!
Une très belle chanson de Lolo sy ny Tariny.
Merci de nous l'avoir partager.
Tena tiako io hira io, mahafinaritra, ary tena milaza ny zava-misy rehefa oktobra eto madagasikara, mankasitraka e !
Tononkira mafilotra tokoa :D
pretty good post. I just stumbled upon your blog and wanted to say that I have really enjoyed reading your blog posts. Any way I will be subscribing to your feed and I hope you post again soon. Thanks!
I found something new on this website, some of my opinions agree with that, I just want to ask for one brief opinion or tips on the article or a few sentences above and I'm sure you are more skilled in making concise conclusions and concise for that.. I found your blog, I like it.
Enregistrer un commentaire